S’ isch chum dä wärt
(Badisch-alemannisch)
Sihsch du no ä Grässli schpriße,
uffem Blatt ä Tropli Riife,
ä Ameise mit schwere Lascht,
sell horig Rüüpli uffem Ascht,
d’ Schale vom ä Vögeliei,
ä Schneckehüsli leer am Rai ?
Hörsch no Zirpe vo dä Grille,
d’ Vögeli vo Herze singe,
s Quacke vom ä Frosch am Bach,
d’ Ruef vom Käuzli in dä Nacht,
wie dä Wind cha bärze, suse,
un de Rege bätsche, brusche ?
Wenn häsch z’letscht ä Käfer aglängt,
trunke am Bächli us dä Händ,
bewußt ä Schpinnenetz agluet,
ä Hampfle Buecheggerli gsuecht,
d’ Johresring am ä Baumstumpf gezählt,
g’merkt daß dä Eichle s’Chöpfli fehlt ?
Nimmsch’s no wohr, un in di uff,
oder achtsch gar nimmi druff ?
Irene KUHN (Wiesental)