S'Schwobaalter (schwäbisch) 40 Johr, du jonger Falter, Jetzt bisch grad em besta Alter, Voller Pläne, hosch no Kraft Wiea a Baum, der hoch sich g´schafft. 40 Johr, ond ab dem Knälle Wissat au diea andre älle, Daß diea Gscheitheit eira komma, Nemmer mehr de läsch v´rdomma! Freunde, denn mit ronde vierzich Wird erst s´Leba richtig würzich. Ja, es leuchtat ond es pronkt, 40 Johr ... dr Höheponkt! Aber, dua au do dra denka Ond entsprechend d´Taktik lenka, Denn, s´isch wiea beim Fuaßballspiel Halbzeit, vor em Achtziger-Ziel. Schalt daher en Gang zurück B´senn de uf dei wahres Glück. Bleib a Mensch, des andre gibt sich, Jetzt erst recht mit jonge Verzich! |