.......N'on ket ur stourmer evit ar yezh e-giz ma vez gwelet amañ hag ahont e Breizh , disoñjet 'm eus petra a dalvez ar ger-se abaoe pell'zo dija , marteze peogwir on bet un tamm dipitet gant emzalc'h tud 'zo er Vro hag er-maez anezhi , koulskoude e kavan gwelloc'h ganin anzav ez on muioc'h dedennet gant an Hinienn eget gant ar ger Strollad ! D'ur mare pa vez hollc'halloudegezh ar saozneg o ren war an armerzh , an darempredoù etrevroadel hag ar sonerezh zoken ez eo ar brezhoneg evel un neudenn danav gweet e-mesk reoù ar Genrouedad : salv ma tegaso houmañ peadra da livañ an tamm dañvez elektronek-mañ en un doare bravoc'h ha pinvidikoc'h evit ar rummadoù a-vremañ ha dazont... Stourm evit ur yezh "vihan" a c'heller lakaat kichen-ha-kichen gant stourmoù all , da bal dezho lakaat pep hini en e vleud en ul lec'h dereat ha plijus er bed diroll ma vevomp ennañ! Graet eo bet ar pajennoù amañ da heul gant ar soñjenn-se , a-benn ar fin...