1- Orpheus, Oeagri et Caliopae Musae filius, ut quidam putant, Apollinis filiam habuit uxorem Eurydicen.

2- Quam dum Aristaeus, Cyrenis filius, pastor, cupidus persequitur volens eam stuprare, illa fugiens concubitum serpentem non devitavit et haec ei causa mortis fuit.

3- Orpheus coactus desiderio conjugis temptavit dulcedine cantus citharae lenire Ditem et Proserpinam, si posset Eurydicen ad superos revocare.

4- Descendit igitur ad inferos et in miserationem eos cantu suo conpulit; acceptaque lege impetravit Eurydicen ita demum, si non ante respexisset quam ad superos perveniret.

5- Ut deinde est dura amantium perseverantia, Orpheus timens ne non inesset pollicitis Dictis fides, respexit et irritum fecit suum laborem. 6- Reversus deinde ad superos, qui parum prosperas expertus erat nuptias, perosus omne genus femineum solutidinibus se dedit.